السلام عليكم ياشباب وشابات المنتدى عندي اليوم موضوع يمكن سمعتوا فيه من قبل الا وهو تبادل الهدايا بين الاقارب من الجنسين وبدون مناسبة وبدون علم الاهل ومالذي يجره من تبعات للفتيات بعد الزواج .................. امس جاتني اختي وقالت لي ان صديقتها عايشة مع زوجها في عذاب وشك وهجران وصمت وكل شي ممل في حياتهم الزوجية على الرغم من اصراره في البداية على الزواج منها وعلى الرغم من وجود طفلة بينهم .
انا سألت أختي وقلت لها شنهو السبب قالت مافي سبب محدد يزعل ويعصب من اي شي ويشك في اي حركة تقوم فيها يطردها من الغرفة ويخليها تنام في الصالة قدام الرايح والجاي من اخوانه وخواته
قلت حق أختي قولي لي القصة بصراحة علشان يمكن أقدر أحلها وللأسف الشديد قالت لي أن أخت زوجها اقنعتها انها تكلمه قبل الزواج بدون علم أهلها وكان يرسل لها هدايا مع أخته بمناسبة وبدون مناسبة وكانت هي تقبل الهدايا قبل مايخطبها وقبل مايكلم اهله واهلها عن رغبته في الزواج منها .
كانت أخته هي وسيلة الاتصال بينهما .
ولما استشارت أختي قالت لها لاتوافقين تكلمينه بدون علم أهلك ولاتقبلين منه هدايا ولاتخونين ثقة اهلك فيك ..................المهم البنت وصلت حق اخت زوجها كلام صديقتها (أختي ) وردت عليها وقالت هذي غيرانه منك لانك بتتزوجين قبلها ولاتبي لك الخير ......
المهم اقنعتها انها تكلمه وكلمته وخذت هداياه وبعد .لكن بعد الزواج وبعد ماوصل لها وأخذ اللي يبيه منها فتح اعيونه عليها وعلى كل حركة تسويها وفي اعتقاده ان رايح يجي واحد أغنى منه ويغريها وتنحرف وتخونه
عاد انا قلت حق اختي بصريح العبارة ان زوج صديقتها لما ماقدر يوصل لها بالحرام تزوجها ولما أخذ حلاوتها قام يشك فيها وقلت لها ترى صديقتك اذا زوجها ماطلقها فتأكدي أنه رايح يتزوج عليها ويخليها مربيه حق بنته
ارجوا انكم تشاركوني بارائكم المهمة بالنسبة لي خصوصا الشباب والشابات العزابيين
انا في انتظار ردودكم

بصراحة احيانا تكونون موخوش اعضاء يتعب الانسان وهو ينتظر ردودكم المباركة ولايشوف شي
اقول بس طير يضرب ابليسكم