يايمة ليه تبكي كل ما شفتك وعينـك لـي
تخافي أموت يايمة ... وقبــل الموت تبكيني

تكفي يايمة لا تبكي وأنا موجود معك وحـي
أجل بعد الرحــيل أشلون في قبري توطينـي

يمة لو تموت الناس ماتسوى دموعــك ذي
وأنا يايمة ميت قبل أموت وأنـتي محيـينـي

قسم بالله يايمة لجل عينك شربـــت الغـي
جـرعت الهم والحرمان وبحر الويل يسـقينـي


تحملت السنين اللي طوتني في عذابي طــــي
وصار الجمر بكفوفي .. وتحــت أقدام رجليني


يايمة ماعلى عمري حسافه ولا بــقا بي شي
ولكـن بطلبـك يايمة تكـفـي لا تخلينـي



يايمة مابي غيرك يغسـل جثتـــــي بالمـي
وتكــفي قبل لا أتكفن .. يايمة فكلـي عينـي


بأمر الله يمكن ألمحك وأرحــــل في عيني ضي
وودع وجهك الطاهر مع دنيـــاي وسنينـي


وخل الناس تحملني وترفع راسي ورجــــلـي
وتأخذني على قبري وتكسب أجرهـا فيــنـي


وأذا جيتي القبر يا يمة نزليني شوي شــــوي
ووجهيني لبيـت الله .. وقبلـــه المصلينـي


وحطي الطين وأدفني وعز اللي يعـزي فـــي
ثلاث أيام يايمة .. يواســـوك المعزينـي


ورابع يوم يا يمةي تذكر .. ضحـــكتي وعني
تذكر يوش كنت أقول يـوم أنــك تنادينـي


تذكري يوم كنت أنام في ظل النخـل والفـــي
تجي يمي تصبي الما..على وجهي وتصحــــيني


تذكري جرة الموال وصوت في حبالـه كــــي
تذكري يوم أغني لك قصيدي وانتي توحيـــنـي


تذكري ضحكتك لا قلتلك يايمة عــشقي هـي
تذكري كم قصيدة خافيه مـا بينـــك وبينـي


تذكري كل شي كان وأذكر يـوم انـــا حـي
ولكــــــن أسالـك بالله يايمة لا تبكيني

ارجوا الرد

الله الله ياولد صح لسانك وصح بدنك ويعطيك الف عافيه

كلمات يقشعر لها الابدان كلمات في منتهى الحزن والذوق

نتظر جديدك ولاعدمناك تقبل مروري لك اغلى دمعـــــه