ودِّي أمُوتْ .. اليُوم .. وأعيش باكر
وأشوفْ مِنْهو .. بعد مُوتي فقدني ..!!

ومِنْهو حَمَلْني لِين .. ذِيكْ .. " المقابر"
وأشْكرْ أنا .. كِل مِنْ كَرَمْني ودِفنِّي ..

وبشُوفْ .. يرثيني أنا كَمْ [ شاعر ] ..؟؟
ومِنْهو تركْني .. وما كِتَب شَي عنِّي

شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت // طعنِّي

وشِخصٍ يمثِّل دمعِتَه .. ما هو قادر !!
وشِخصٍ تِطيح دموعه .. كِلْ ما ذكرني

ومِنْهو مِنْ أهلي فــ العَزا كان حاضر
ومِنْهو دعى لي في " صلاته " ورحمني

ومِنْهو بنى [ بإسمي ] سبيل ومنابر
ومِنْهو يفز قلبه .. إلا مِنْ لمحني

ومِنْهو عشاني : طُول الأيام ساهر ..!!
ومِنْهو ثلاث أيَّام .. راح وتركني ..؟؟

ومِنْهو يرتِّب .. غرفتي .. // والدفاتر
وإن شاف ( صوره ) لي صاح وحضنِّي

يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي

خايف يروح العُمْر .. وأكُونْ خاسر
وإن طار طيري .. ما يفيد // التمنِّي

وخايف يجيني وقت : أكْسِر خواطر
إن دارت الدنيا .. وزماني كسرني

ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني

الضيق وافي .. والحزن حيل وافر
والجرح أكثر شي .. شفته يحبني

عايش وميِّت بين .. ماضي وحاضر
والصبر [ مفتاح الفرج ] ضاع منِّي

قل وش تبي وتتركني يا حزني آمر
مسكين فرحي / تصدِّق إنَّه وحشني ..!!

( شاعر ) ولكنِّي .. ماني بــ شاعر
ودِّي أموت اليوم .. وأرتاح منِّي ..!!

يشرفني اني اول واحد يرد
مشكور على القصيدة وبعيد الشر عنك وهذا بعد مر طويـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــل

اتشرف فيك المجرم الناعم انك اول واحد يرد علي ويسلمواااااااااااااا خيو على المرور الرائع ولاتحرمني وجودك

اختي نااعسه الاهدااب

فديت قلبك
كلمااات في قمة الروعه


تقبلي تحيااااااااتي

هذا من ذوقك يالغالي يافقراوي ... يسلمواااا على مرورك الطيب فديت مرورك ياذوق