السلام عليكم ورحمة الله وبركاته
هاذي قصيدة ل حامد زيد السفينة

ضاقت وساع الفيافي والوعد متن السـفينه
للطريق اللي دعاني بعـد أمـان الله وأمانه
لاتناديـني وصـوني قـلبك الله لايـهينه
لايراهـن في رجوعي لجل مايخسـر رهـانه
ليه ماأرحل عن غرامك بعد ماذقت الغـبينه
أذكـريلي شي واحـد يستحق أقعد عشانه
قلب ماحـن لوصالي ماني بحـاجة حنـينه
وأشهـد أنه مايعـزر بالرفيـع ألا هـوانه
الهـوى الغـدار حـد الله مابيـني وبـينه
والرجل لاخير فيه إن ماحفظ قـدره وصانه
واحدٍ مثلي أليا مـن حدته عـوجا سنينه
ماشكى لقرب ابن آدم لوهو أقرب من أخوانه
يوم قلبي ماعصـاك وماقـدرتي تـذبحـينه
ليه خنتي فيه وأنتي معـه من نفس الـديانه
كان ذبحي بيدك أرحملي من اللـي تفعلـينه
وأن طلـبتك تذبحيني مـاذبحتيني لـعانـه
كـل جرحٍ من جروحي تذكرينه تنكرينـه
كن مالك في نزيفه (يـد) خانت بالأمـانه
ينزف الخافق تواضع لين لطخـتي جبيـنه
وألا أنا ماكنت أبيها توصل لحـد الأهـانه
قلت من باب الميانـه صاحـبك وتعـذبينه
لعنبوك إرخي معاي أشوي ماصارت ميـانه
طعت عقلك يوم قيل إن العقل للبنت زيـنه
لكن الشرهه علي اللي كنت أحسب إنك تكانه
من بعد ماكنتي أنتي في حشاي أغلى سجـينه
بوعدك بطـلق سراحك وأتهميـني بـالأدانه
وين رايـح..؟ لأي دربٍ مايـرجع للمـدينه
ليه رايـح..؟ لأن قلبك ماترك قلبي وشـانه
كيف أبنسى.؟ ربي اللي ملهم القلب السكينه
مثل ماعـانه بقربك لانـوى فرقـاك عـانه
كان قاسي يجرح أطـراف السكاكين السنينه
مايطيـح وبنتٍ مثـلك حبها هـزت كيـانه
وألا أنـا خابر خفـوقي مايمـد ألا الثمـينة
وإن بغى يغيض الثريـا قعد القمـرى وزانـه
مزعـلٍ لجلك هنوفٍ رجـت عقـول رزيـنه
وإن تهادت بالطريق الجرهدي تزهـر جنـانه
جـادلٍ كن الجمـال قبـالها كتـف يديـنه
والقمر لو شاورت لـه ينزح وتقعـد مكـانه
كـانت أول من تحكم في فـروع اليـاسميـنه
وأن تعـدتهن تثنـن خيـزرانـه خيـزرانـه
بعتها لجلك وصـارت لأصغر أطـرافه رهيـنه
وألا هي لفتة هـدبهـا تغمرك ثقـل ورزانـه
والخفوق اللي تغـذى مـن معـزة والـدينه
مشكلته إنـه تعلق في زمـن مـاهو زمـانـه
كـل مازادت جراحة وأكتشف غلطة ضنـينه
صدقيه أن قال مـابه شخص يسـتاهل حنـانه
يـوم نادى يـافلانـه مـارضـيتي تسمعيـنه
لـين صـوت يـافلانـه يـافلانه يـافلانـه
كنت أشوفك زعفرانه تقرض الـورد وتديـنه
يمكن أني مـاقطفتك بس أشـوفك زعفرانـه
كنت أهـاب البعد عنك وأطلبك لاتذكريـنه
كان خوف من الفراق وخطوت الفرقا جبـانه
ومـاقتنعت أن الخيـانة للرجل تلـوي يميـنه
ليـن مـاربي بعثك وذقت من طعم الخيـانـه
إسمحيـلي مـابقـى فيـني مكـانٍ تطعنيـنه
وأقبلي من جـوف قلـبي كل عطفه وأمتنـانه
والله الله في عـذابك بتركـك عيـنك بعيـنه
دلليه ولايـرده عـن شـقـاك إلا لسـانـه
وألا أنـا قررت أسـافر وأمتطي ظهر السفيـنة
لأن مـابه شي واحـد يستحق أقعـد عشـانه

يعطيك العافيه وكلمات متنقاه من واحد أمير مثلك
صح لسانك
أتمنى لك دوام التوفيق

مشكور ونورت الموضوع تحياتي لك

وذوقٌ يلآمسُ نقآء روحكَ دآئماً
تصب الجمآال في اعقآب العذوبه
وتبقى لـك في الروعة ..بصمة مني اليك
فراشة الحياة..}|..

مشكور يا ذوق ياعسل يا فراشه على الرد منوره

مشكور اخوي يسلم منطوقكيسلموووووووووو

مشكور على الرد الرائع يا ارجوانه وافتخر